Gefðu þekkingu sem endist
Skref 1 af 2 Skref 2 af 2
Hvers konar gjafabréf?
Við sendum gjafabréfið á þetta netfang
Frami er íslenskur lærdómsvettvangur fyrir fólk sem vill halda áfram að læra og vaxa á eigin forsendum. Hjá Frama má finna námskeið og viðburði með framúrskarandi leiðbeinendum, bæði á netinu og í raunheimum. Frami byggir á þeirri einföldu hugmynd að við hættum aldrei að læra, þótt formlegri skólagöngu ljúki. Það á alltaf að vera hægt að bæta við sig þekkingu og finna eitthvað sem vekur áhuga, sama hvar maður er staddur í lífinu.
Framkvæmdastjóri
Kristín Hildur leiðir uppbyggingu Frama með áherslu á gerð og miðlun hágæða námsefnis. Hún starfaði áður hjá Íslandsbanka, síðast sem fræðslustjóri en leiddi áður vöruþróun fyrir ungt fólk og fjárfestingar. Áður starfaði hún hjá Deloitte á sviði viðskiptalausna og hjá Eimskipum í fjárstýringu.
Kristín er með BS-gráðu í hagfræði og MS-gráðu í fjármálahagfræði frá Háskóla Íslands. Hún er einnig meðeigandi Fortuna Invest, fræðsluvettvangs sem miðar að því að efla þátttöku á hlutabréfamarkaði, og meðhöfundur bókarinnar Fjárfestingar, sem kom út árið 2021.
Formaður
Stefán Jökull er starfandi stjórnarformaður Kríta ásamt því að sinna fleiri stjórnar- og frumkvöðlastörfum í gegnum árin. Stefán er með meistaragráðu í frumkvöðlafræðum og stjórnun nýsköpunar frá Konunglega tækniháskólanum (KTH).
Meðstjórnandi
Björn er meðstofnandi Frama. Hann er framkvæmdastjóri Viðskiptaráðs Íslands og hefur víðtæka reynslu af stjórnun, stefnumótun og ráðgjöf. Björn er með BS-gráðu í verkfræði frá Háskóla Íslands og meistaragráðu í hagfræði frá University of Oxford.
Meðstjórnandi
Marinó er meðstofnandi Frama og frumkvöðull sem stofnað hefur fjölmörg fyrirtæki á borð við Sódavatn, Blómstra og Journey. Marinó er með BS-gráðu í verkfræði frá Háskóla Íslands og meistaragráðu í verkfræði frá TU Delft.
