Allt um prjón

Gréta Sörensen mynd- og handmenntakennari og textílhönnuður hefur alla tíð haft mikinn áhuga á að skapa með prjónum og garni. Á námskeiðinu kennir hún byrjendum og þeim sem eru lengra komnir öll grunnatriði og ýmislegt annað sem viðkemur prjónaskap. Á námskeiðinu fer hún meðal annars yfir:

• Grundvallartækni í prjóni: Hvað þarf að hafa í huga í prjónaferlinu?
• Prjónar og garn: Eru sumir prjónar betri en aðrir? Hvaða eiginleika hafa mismunandi tegundir af garni?
• Prjónfestuprufa: Hvers vegna er hún nauðsynleg? Hvað gerum við ef prjónfestan er ekki sú sama og í uppskriftinni?
• Mismunandi aðferðir við að fitja upp: Húsgangsfit, skólafit og snúrufit.
• Að fella af: Hvaða aðferðir henta best?
• Mismunandi prjón: Slétt og brugðið, garðaprjón, perluprjón, gataprjón, munsturprjón og fleira.
• Lopapeysu­uppskrift: Að lokum fylgir með uppskrift af lopapeysu þar sem Gréta lýsir ferlinu við gerð lopapeysu frá upphafi til enda.

Námskeiðið er kennt á netinu og þú færð aðgang að öllu efninu um leið og þú skráir þig.