Pottaplöntur

Herdís hefur legið yfir pottaplöntum allt frá stofnun Blómstru en hún hefur haft óbilandi áhuga á trjárækt og plöntulífríkinu frá barnæsku. Hjá Blómstru hjálpar hún þúsundum viðskiptavina við að halda lífi í plöntunum sínum í gegnum plöntuáskriftarþjónustu. Í þjónustunni færðu mánaðarlegar sendingar beint heim að dyrum, plöntu annan hvern mánuð og öll tól og búnað sem þarf hinn mánuðinn. Herdís heldur þannig í hönd viðskiptavina og sendir leiðbeiningar og fróðleik ásamt upplýsingum um hvenær þurfi að umpotta og hvenær hentugt sé að taka afleggjara.

Herdís trúir því að innra með okkur öllum blundi áhugi á lífríkinu og að þörfin fyrir tengingu við náttúruna sé sterk. Í vetrarríki Íslands er þessi þáttur sérstaklega mikilvægur og með því að bjóða grænum vinum inn á heimilið og huga að þeim eflist þessi tenging.

Þú getur kynnt þér pottaplöntuáskriftina og vörurnar sem Herdís býður upp á inni á Blómstra.is