Gervigreind er að færast frá því að svara spurningum yfir í að vinna verk. Gervigreindarerindreki fær markmið, skipuleggur sjálfur skrefin, sækir upplýsingar í skjöl og kerfi og framkvæmir aðgerðir. Slíkir erindrekar eru nú byggðir inn í tólin sem flestir vinnustaðir nota þegar.
Á þessu hagnýta staðnámskeiði læra þátttakendur hvað erindrekar eru, hvernig þeir virka og hvernig þeir eru smíðaðir, prófaðir og reknir á öruggan hátt. Hver þátttakandi smíðar sinn eigin aðstoðarmann, skref fyrir skref, í því tóli sem hann notar í vinnunni, til dæmis Copilot, ChatGPT, Claude eða Gemini.
Námskeiðið hentar starfsfólki, sérfræðingum og stjórnendum sem nota gervigreind í dag og vilja taka næsta skref. Ekki er gert ráð fyrir forritunarkunnáttu. Þátttakendur mæta með fartölvu með aðgangi að gervigreindartóli.
Það sem þú lærir
- Hvernig mállíkön virka og hvað greinir erindreka frá spjallmennum
- Hvernig skrifa má fyrirmæli sem gefa áreiðanleg svör
- Hvernig smíða má aðstoðarmann sem svarar út frá eigin skjölum
- Hvernig verkfæri, tengingar og minni gera aðstoðarmann að erindreka
- Hvernig verjast má fyrirmælainnskotum og gagnaleka
- Hvernig erindreki er prófaður og metinn áður en honum er treyst
- Hvað erindreki kostar og hvernig hann er rekinn og honum viðhaldið
